Programa APROL-Economía Social

©2019

Seteoitavas

  • Negro Facebook Icono
  • Negro del icono de Instagram
  • Icono negro LinkedIn
  • Negro Twitter Icono

Quen somos

SeteOitavas Sociedade Cooperativa Galega

Somos unha cooperativa formada por un conxunto de profesionais procedentes de campos diversos como urbanismo, arquitectura, construción natural, fotografía, antropoloxía,  historia e facilitación de grupos, que compartimos unha visión común sobre o territorio e o hábitat rural e urbano. Entendemos os nosos proxectos como ferramentas para a súa transformación baseados nas necesidades e particularidades do contexto no que se desenvolven, dende unha perspectiva inclusiva e sustentable. 

 

SeteOitavas nace da evolución das nosas colaboracións previas, cara unha nova estrutura de traballo colectivo enmarcada na economía social, consolidando así as sinerxias creadas. Contamos cunha experiencia de máis de 10 anos no desenvolvemento de traballos de urbanismo, arquitectura e patrimonio. 

 

A partires das necesidades específicas  de cada proxecto, contamos con diferentes colaboradores de disciplinas como: arqueoloxía, socioloxía, a pedagoxía, a xeografía ou a enxeñería civil e ambiental entre outras, co fin de conformar equipos multi-disciplinares que permitan ofrecer aproximacións e solucións integrais.

 

Como nun iceberg, o resultado final dos proxectos, o visible, aséntase nuns alicerces profundos: son as outras sete oitavas partes do proceso de traballo, o intanxible, formado por unha sólida base de investigación nas diferentes temáticas, o compromiso co traballo, o diálogo coas persoas ás que afecta, e os coidados nos diferentes grupos cos que nos involucramos.

Traballamos dende Vigo, nun espazo situado no casco vello, moi preto do antigo porto pesqueiro do Berbés, dende onde xestionamos servizos en todo o territorio galego.

Clientes

Traballamos tanto para privados como para o sector público. Ao longo da nosa traxectoria profesional, de xeito individual ou como equipo, temos desenvolto proxectos para algunha das seguintes entidades